Niyə hamı Kanadada yaşamaq istəyir? - #Ölkələr

Niyə hamı Kanadada yaşamaq istəyir - Orda elə bir yer var ki “Kanada haradır?” sualını indiki zamanda işlətmək eyib sayılar. Hamının əli çatan Goggle Map var. Ən yaxşısı, gəlin, sualı belə qoyaq: “Kanadada nə var?” Qışda havası Mars səthi qədər soyuq olan Kanadada dünyanın başqa heç yerində olmayan bir şey var: qütb ayılarının həbsxanası. Niyəsini bilmək üçün videonu sonadək izləyin. Yəqin ki, dəfələrlə müxtəlif siyahılarda Kanadanın “dünyanın ən yaşanılır ölkəsi” adını qazandığını oxumusunuz. Buna əsas səbəb ölkədə vergi sisteminin aşağı olması, təhsilin yerli iqtisadiyyata nəzərən ucuzluğu, təmiz havası və bənzərsiz təbiətidir. 2018-ci ildə “Beynəlxalq xoşbəxtlik hesabatı”nda dünyadakı ən xoşbəxt yeddinci ölkə Kanada idi. Bəli, kanadalılar özlərini xoşbəxt sayır. Ərazisinə görə, Rusiyadan sonra dünyanın ən böyük ölkəsi olan Kanadanın ümumi sahəsi 9,984,760 km2-dır. Ölkə şərqdən qərbə 6 min km genişliyə sahibdir, bir ucundan o biri ucuna təyyarələr, təxminən, 6 saata uçur. Ərazisinin böyüklüyünə baxmayaraq, Kanadanın 90%-ində yaşayış yoxdur. Buna görə, “əhali sıxlığı az olan ölkələr” siyahısında da Kanadanın adını görmək olar. Ölkənin ən böyük şəhərləri şərq tərəfdədir. Dünyanın ən uzun quru sərhədi Kanada ilə ABŞ arasındakı sərhəddir. Qəribəsi odur ki, bu sərhəddə əsgərlər dayanmır. Kanada elə bir yerdə yerləşib ki, cənubunda ABŞ, qərbdə yenə ABŞ, şərqdə isə Danimarkaya bağlı Qrenlandiya var. Rusiyanın qərbdən hər hansı bir əsgəri hərəkatına məruz qalmaq hava şərtlərindən və ABŞ baryerindən dolayı imkansızdır. Tək yaxın qonşusu ABŞ isə Kanadanın müttəfiqidir.