முட்டு கிடா | வளர்ப்பு | வரலாறு | ஒரு பார்வை | Sheep History | Hello Madurai | App | TV | FM | Web

ஹலோ மதுரை நேயர்கள் அனைவருக்கும் அன்பான வணக்கம், மீண்டும் உங்களை சந்திப்பதில் மகிழ்ச்சி அடைகின்றேன். இந்த வீடியோவில் நாம் பார்க்கப்போவது முட்டு கிடாய் வரலாறு குறித்து. தமிழர்களின் பாரம்பரிய வீர விளையாட்டுகளில் ஜல்லிக்கட்டு, சேவல் சண்டை வரிசையில் கிடாய் சண்டைக்கும் ஒரு தனி இடம் உண்டு. மன்னர்கள் காலத்தில் இருந்தே கிடாய் சண்டை நடந்ததற்கு கல்வெட்டு ஆதரங்கள் இன்றும் உள்ளது. செம்மறி ஆட்டுக் கிடாய்கள் இரண்டு நேருக்கு நேராக மோதவிட்டு வேடிக்கை பார்க்கும் விளையாட்டிற்கு பழங்காலத்தில் தகர்ச்சண்டை என்று அழைக்கப்பட்டுள்ளது. அதாவது தகர் என்றால் செம்மறியாடு என்று அர்த்தம். விலங்குகளில் ஆணைக் குறிக்க வழங்கப்படும் மரபுச் சொற்களில் ஒன்று தகர் என்னும் சொல்.ஆதலால், ஆண்-ஆட்டைக் குறிக்கும் சொற்களில் ஒன்று தகர். இதேபோல் ஆட்டுச் சண்டை, சண்ட கிடாய், கிடா முட்டு, முட்டு கிடா அல்லது கிடா கட்டு என்ற பல பெயர்களும் இதற்கு உண்டு. இது ஒரு தமிழர் விளையாட்டு என்றபோதிலும், உலகின் பல பகுதிகளில் கிடா சண்டை நடத்தப்பட்டு வருகிறது. வெள்ளாட்டு வகையறா ஆடுகள் இந்த சண்டை இனத்தில் சேராது. செம்மறி ஆடுகள் மட்டுமே இவ்விளையாட்டுக்கு சொந்தக்காரன். தமிழ்நாட்டில் செம்மறி, குரும்பை ஆட்டினத்தின் சில வகைகள் மட்டும் இதற்கென வளர்க்கப்படுகின்றன. குறிப்பாக தென் தமிழகத்தில் நாட்டு செம்மறி ஆடுகளில் கமுதி, கம்பம், தேனி, திண்டுக்கல், மதுரை, ராமநாதபுரம் உள்பட பல்வேறு இடங்களில் கிடாய் சண்டை பாரம்பரியமாக போட்டிகள் நடத்தப்பட்டு வருகின்றன. ஜல்லிக்கட்டிற்கு உள்ள விதிமுறைகள் போன்று இந்த கிடா சண்டைக்கு பல கட்டுப்பாடுகள் உள்ளன. இப் போட்டியில் பங்கேற்க பல கிராமங்களில் கிடாக்களுக்கு கடும் பயிற்சிகள் அளிக்கப்பட்டு வருகின்றன. இதில் நாடு, மயிலம்பாடி, குரும்பை, இரிசல், கொங்கு, வெளிச்சி போன்ற நாட்டுக்கிடாய் வகைகள் உள்ளன. நாட்டு கிடாக்களில் கமுதி, கம்பம், எட்டயபுரத்தைச் சேர்ந்த பொட்டுக் கிடா, கச்சைகட்டி கருப்புக் கிடா, ராமநாதபுரம் கண் கருப்புக் கிடாக்கள் முக்கியமானவை. கிடாச்சண்டையில் நாட்டுக்கிடாவைப் போல் பெங்களூரு குரும்பை ஆடுகளும் பங்கேற்கின்றன. பெங்களூரு குரும்பை ஆட்டு ரகங்கள் கடந்த சில ஆண்டுகளாக களத்தில் இறங்கி வருகின்றன. இதில் கருமறை, அணில்மறை, சாம்பல், இருசெல், சுத்தகுரும்பை, மொட்ட கருப்பு, நெத்திவெள்ளை என பல ரகங்கள் உள்ளது. பெங்களூரு குரும்பை ரகத்திற்கு இரண்டு மாதத்திற்கு ஒருமுறை முடிவெட்டுதல், வாரம் ஒரு முறை ஷாம்பு குளியல், மூன்று மாதத்திற்கு ஒரு முறை பூச்சி மருந்து, மருத்துவர் ஆலோசனைப்படி மருந்துகள் என இதன் பராமரிப்பு முறையும், செலவும் அதிகம். ஆனால் நாட்டுக் கிடாயில் பராமரிப்பு குறைவு என்றபோதும், அதில் இருக்கும் வீரியம் இதில் இருக்காது என்று பலரும் நம்புகின்றனர். இந்த ஆடு வகைகளிலிருந்து பிறந்த குட்டிகள் இரண்டரை வருடத்திலிருந்து தேர்வு செய்யப்பட்டு, பயிற்சி வழங்கப்பட்டு களத்தில் இறக்கப்படுகிறது. சண்டைக்காக தயார்படுத்தப்படுத்தும் விதமாக இந்த செம்மறி ஆடுகளை குட்டியாக இருக்கும்போதே வாங்கி வளர்க்கப்படுகின்றன. அப்படி வளர்க்கும்போது ஆட்டுக் கொம்பின் மூலகுருத்தை விட்டுவிட்டு மேலோட்டைமட்டும் உடைத்து விடுவார்கள். பின் மறுகொம்பு சற்று பெரியதாக வளர்ந்ததும் மீண்டும் உடைத்து எடுப்பார்கள் அதன் கொம்புகளை இவ்வாறு மூன்று முதல் ஐந்து முறை பிடுங்கப்படும். பெரும்பாலும் மூன்று முறை பிடுங்கினால் போதும். கொம்புகளை பிடுங்கும்போது கவனமாக இருக்க வேண்டும். இதன்பிறகு முளைக்கும் கொம்பு பெரியதாகவும், உறுதியாகவும், ஆட்டின் உடல் தோற்றத்துக்கு ஏற்ப முரட்டுத்தனமாகவும் காணப்படும். எப்படி இருந்தாலும் அந்த அழகே தனிதான். நாள் முழுக்க கொம்பை பார்த்துக் கொண்டே இருக்கலாம். கொம்புதான் இதன் பலமும், பலவீனமும். போட்டிக்கான ஆட்டை ஜல்லிக்கட்டு மாட்டை தயார் செய்வதுபோல், தரமான உணவுகளை கொடுப்பவது வழக்கம். துவரம் பொட்டு, உளுந்து குருணை, இரும்புச் சோளம், நிலக்கடலை, கொண்டக் கடலை, பச்சரிசி, பாசிப்பயறு, கொள்ளு, கம்பு, பேரீச்சம்பழம், மக்காச்சோளம், கோதுமைத் தவிடு, அகத்திக் கீரை, கடலைப் புண்ணாக்கு, போன்ற பிரத்தியேக உணவுகளை கொடுத்து நல்ல வலிமை உள்ளதாக வளர்க்கிறார்கள். சிலர் நாட்டுக்கோழி முட்டை, பசும்பால் ஆகியவற்றை உணவில் சேர்ப்பதுண்டு. போட்டிக்கு நீச்சல் பயிற்சியும், நடை பயிற்சியும் முக்கியம். இந்த பயிற்சிகள்தான் களத்தில் வெற்றியை நிர்ணயிக்கிறது என்று பலரும் நம்புகின்றனர். அந்த காலத்தில் 300 முட்டுகள் வரை நடந்துள்ளதாக கூறப்படுகிறது. அந்த அளவிற்கு கிடாய் உருவத்திலும், வலுவிலும் சிறந்ததாக இருந்துள்ளது. இன்றைக்கு அதிகபட்சம் 50 முதல் 60 முட்டுகளுக்கு மட்டுமே அனுமதி. சண்டையில் பங்கேற்கும் நாட்டு கிடாக்களின் வயது 1 முதல் 10 ஆகும். நாட்டு கிடாக்கள் 2 பல்லு, 4 பல்லு, 6 பல்லு, கிடாபல், இளம் கிடாபல் என 5 வகைகளாக பிரிக்கப்பட்டு போட்டிகள் நடைபெற்றுள்ளன. கூடுதல் தகவல்களை வீடியோவில் கண்டு, கேட்டு தெரிந்து கொள்ளுங்கள். நன்றிகள் !! _________________________________________________________ உங்கள் தொழில் சார்ந்த வீடியோக்கள் எடுக்க நீங்கள் எங்களை அழைக்க வேண்டிய அலைபேசி எண்: Hello Madurai M.Ramesh - 95 66 53 1237. (Whatsapp) _________________________________________________________ மேலும் ​எங்களது Hello Madurai App எனும் பிரத்யேக செயலியை கூகுல் பிளே ஸ்டோரில் இலவசமாக பதிவிறக்கம் செய்து எங்கள் வீடியோக்கள் உள்பட ஒட்டுமொத்த மதுரையையும் உள்ளங் கையில் வைத்துக் கொள்ளலாம். 💓 App Link: https://play.google.com/store/apps/de... 💓 Facebook :  / maduraivideo   💓web site : https://hellomaduraitv.com/ 💓web site : https://hellomadurai.in/ 💓web site : https://tamilvivasayam.com/ 💓 Telegrame Link: https://t.me/hellomadurai _________________________________________________________