Danza d'Alea

Danza d'Alea adaptada pa la Nueche de San Xuan en Ribeseya. Lletra: Viva la danza pequeña que cola grande no iguala los fiyos de madre viuda son los que lleven la gala Estribillu: Qué dirán, qué dirán qué dirán per ehí qué dirán, qué dirán que yo muerro por ti Que yo muerro por ti que yo muerro d'amor qué dirán, qué dirán que morremos los dos Anque toi equí cantando mio corazón penes tien ai de min que nun ta equí el que consolame pue Estribillu Nun vayas al monte sola mira que soi cazaor y si tiro y te mato pa min va ser el dolor Estribillu Nel puebliquín d'Alea hai una piedra reonda onde se sienten los mozos cuando baxen de la ronda Estribillu Esta casa sí qu'é casa estes sí que son paredes equí tá l'oru y la plata y la flor de les muyeres Estribillu Anda diciendo to madre que yo pa ti soi pocu ta la reina soltera pa ti que yes bon mozu Estribillu Anueche tuve a to puerta hasta que salió la lluna y nun me quixisti abrir corazón de piedra dura Estribillu Adiós prau de San Xuan d'espaldes te voi mirando anque la cara va allegre el corazón va llorando Estribillu