Kompaniya sarhisobi: 2024-yil qurilish-tamirlash ishlarida ijobiy natijalar qayd etildi

Jizzax viloyati 2024-yilda yirik qurilish va ta'mirlash ishlarida ulkan natijalarga erishdi. Bunda Jizzax viloyat hokimligi “Yagona buyurtmachi xizmati IK” DUK ning o’z o’rni bor. Xususan, ushbu video orqali kompaniyamiz tomonidan viloyatimizda amalga oshirilgan loyihalar va ularning natijalari haqida ma’lumotga ega bo’lasiz Jizzax viloyat hokimligi “Yagona buyurtmachi xizmati IK” DUK qurilish ishlarida buyurtmachi vazifasini bajaradi. Kompaniyamiz buyurtmachiligida joriy yilda 204 ta loyihalar bo‘yicha qurilish va ta’mirlash ishlari olib borildi. Ularning umumiy pudrat shartnoma qiymati 946,7 mlrd.so‘mni tashkil qildi. Shundan, bugungi kunda 787,5 mlrd.so‘mlik (83%) qurilish-montaj ishlari amalga oshirildi. Bunda 204 ta obyektdan 150 ta obyekt foydalanishga topshirildi, qolgan 39 ta obyekt yildan-yilga o‘tuvchi xisoblanadi. Jumladan, bu ko‘rsatgichlar quyidagicha; PQ-404-sonli davlatimiz rahbarining 2023 yil 25 dekabrdagi qarori bilan tasdiqlangan Investitsiya dasturi doirasida 35 ta obyektda 191,6 mlrd.so‘mni; Davlatimiz rahbarining 2024 yil 17 iyuldagi qaroriga asosan mahallalarda aholi kayfiyati va infratuzilma bilan bog‘liq eng dolzarb masalalarni hal etishga qaratilgan Dastur doirasida kompaniya buyurtmachiligida 15 ta obyektda 25,0 mlrd.so‘mni; “Tashabbusli budjet” dasturi 2024 yil 1-mavsum doirasida yangidan boshlanayotgan 67 ta obyektda 72,8 mlrd.so‘mni; “Tashabbusli budjet” dasturi 2024 yil 2-mavsum doirasida yangidan boshlanayotgan 27 ta obyektda 24,7 mlrd.so‘mni; “Issiqlik tizimi”ni yaxshilish obyektlari 4 ta obyektda 1,069 mlrd.so‘mni; O‘zbekiston Respublikasi Prezidentining 2024 yil 8-9 aprel kunlari Jizzax viloyatiga tashrifi davomida berilgan topshiriqlari doirasida 25 ta obyektda 45,4 mlrd.so‘mni tashkil qiladi. Hukumatimizning tegishli qaror va Farmonlari bilan moliyalashtiruvchi idoralarning homiylik va boshqa mablag‘lar hamda mahalliy budjet hisobidan 28 ta obyektda 586,1 mlrd.so‘mni tashkil qiladi. Umuman olganda obyektlarni sohaga bo’lib tahlil qiladigan bo’lsak, 1. Mahallalar infratuzilmasini yaxshilashga qaratilgan obyektlar – 20 ta; 2. Sog’liqni saqlash obyektlari – 36 ta; 3. Elektr, gaz va suv tarmoqlarini yangilashga qaratilgan obyektlar – 20 ta; 4. MTM, umumiy o’rta va oliy ta’lim muasassalari obyektlari – 86 ta; 5. Huquq tartibot idoralari obyektlari – 9 ta; 6. Sport obyektlari – 12 ta; 7. Va boshqa obyektlar 30 tani tashkil qiladi. Shuningdek, qurilish-montaj ishlari olib borilgan obyektlarga hududlar kesimi bo’yicha qaraladigan bo’lsa, 1. Arnasoy tumani – 7 ta; 2. Baxmal tumani – 12 ta; 3. Do’stlik tumani – 17 ta; 4. Forish tumani – 7 ta; 5. G’allaorol tumani – 18 ta; 6. Mirzacho’l tumani – 11 ta; 7. Zomin tumani – 27 ta; 8. Zarbdor tumani – 11 ta; 9. Zafarobod tumani – 9 ta; 10. Yangiobod tumani – 10 ta; 11. Paxtakor tumani – 15 ta; 12. Sh. Rashidov tumani – 18 ta; 13. Va Jizzax shahridagi obyektlar soni – 38 tani tashkil qilmoqda. Kompaniya buyurtmachiligi asosida olib borilayotgan Loyihalar aholi uchun qulay yashash sharoitlarini yaratish, ta’lim, sog‘liqni saqlash, infratuzilma va boshqa muhim sohalarda rivojlanishga qaratilgan. Shuningdek, kelgusi 2025-yilda ko‘proq loyihalar bilan ishlashni, ularni yanada samarali va sifatli amalga oshirishni maqsad qilgan.