KUKI YONA YAHISEMO GUHUNGA?/Inkuru icukumbuye.

INKURU YA YONA 1. Mu gihe cya Bibiliya, Nenewe wari umurwa mukuru wa Ashuri, uwo mugi wari munini mu bugari ndetse no mu baturage. 2. Nyamara mu myaka myinshi abatuye i Nenewe, barushijeho gukora ibyaha no gusayisha. 3. Umwami yari umunyambaraga wamenyereye intambara, kandi ingabo ze zaneshaga igihugu ku kindi ari nako ubwami bw'abashuri bwaguka. umunsi ku munsi niko bazaga basatira umupaka wa Isiraheri 4. Abaturage ba Isiraheri bari barahiye ubwoba. nta mubano wari warigeze ubaho hagati yabo n'abashuri, kubera uburyo babagaho bwari butandukanye. 5. Abisiraheri basengaga Uwiteka, kandi ukwizera kwabo bagushingiragaho mu buzima bwabo bwa buri munsi. 6. Abashuri bo siko byari bimeze, ahubwo basengaga, imana zikorogoshowe mu mabuye. 7. Mu gihugu cya Isiraheri hari hatuye umuhanuzi witwa Yona, mu gace kitwaga Gatiheferi, wagezaga ubutumwa bw'Imana ku baturage. 8. Umunsi umwe, Uwiteka aha Yona ubutumwa atashakaga gutwara. Imana yabwiye Yona kujya i Nenewe, akababwira ko Imana yabonye ibyaha byabo kandi ko igiye kurimbura uwo mugi. 9. Yona ntago yashakaga kuburira abanzi b'ubwoko bwe ko umurwa wabo ugiye kurimbuka. yaribajije ati: "Ni kuki bakwiriye kuburirwa?, kuki Imana itakomeza umugambiwayo? 10. Yona afata umwanzuro wo kuninira ijwi ry'Imana yigira ku rundi ruhande i Tarushishi. 11. Afata inkuge yerekeza i Tarushishi muri Espagne, ahantu hari kure cyane rwose ugereranije na Nenewe. 12. Mu mwanya muto yari yageze mu nkuge,Kandi yari aziko akora neza. nkuko yatekerezaga. 13. Ariko se umuntu yashobora guhunga uwiteka? Nowa yari aziko bishoboka. 14. Ajya hasi mu bwato mu kanya gato aba arasinziye. 15. Agisinziriye, Imana iteza umuraba mu nyanja, umuraba nkuwo abasare ntibari bakawubonyeho na mbere. 16. Abasare barapfukama batakambira Imana zabo ngo zibakize umuraba. 17. Ariko umuyaga urushaho guhuha cyane, umuraba uriyongera cyane. 18. Kapiteni w'ubwato abona ko ubwato bwari bugiye gushwanyuka, atuma kuri Yona ngonawe atakambire Imana ibakize. 19. Ese Yowa yari gutabaza Imana ye gute, kandi yaje ariyo ahunga? 20. Muri akokanya bahitamo gukora ubufindo ngo barebe nyirabayazana w'ibyo byago. 21.Nuko ubufindo bufata Yona, ariko abasare bashaka kumumenya neza,no kumenya icyatumye Imana imurakarira. 22. Yona abaturira ibyo Yakoze, Maze abingingira ko bamujugunya mu nyanja. aho kugirango barimbuke bose. 23. Abasare baterura Yona bamujugunya mu nyanja, akokanya inyanja iratuza. 24. Mu gihe Yona,acyigwa mu mazi, imana yohereza ifi nini yari yateguye. 25. Nuko icyo gifi kimira Yona bunguri. 26. Maze Yona ageze mu nda y'urufi amaramo iminsi itatu n'amajoro atatu, asenga Uwiteka amusaba imbabazi. 27. Nuko Uwiteka ategeka, urufi ruruka Yona, ku butaka. 28. Imana yongera gutuma Yona Kujya i Nenewe,kandi kuri iyi nshuro Yona arumvira. 29.Yona ajya mu murwa i Nenewe, maze arahanura ati :"Mu minsi 40 gusa Nenewe izarimbuka." 30. Azenguruka i Nenewe, atangaza urubanza,maze ab'i Nenewe, bumvise ibyo Yona yahanuye baca bugufi bategeka kwiyiriza ubusa iminsi itatu, ngo bihane ibyaha byabo. 31. Umwami yumvise ubutumwa bwa Yona, amenya mumutima we uko bacumuye k'Uwiteka. 32. Umwami yicisha bugufi, yiyambura ikanzu ye ya cyami. 33. Maze yambara ibigunira, yitera umukungugu mu mutwe asaba Imana imbabazi. 34. Nuko mu murwa hose, abantu bakurikiza itegeko ry'Umwami. nuko Imana irigarura ireka umujinya yari yabagiriye.