Yangihayot tumanida “Men ham ko‘cha ekaman” aksiyasi hamda “Navro‘z” sayli tashkil etildi

Yangihayot tumanida “Yashil makon” umummilliy loyihasi doirasida “Men ham ko‘cha ekaman” aksiyasi hamda “Navro‘z” sayli tashkil etildi. Tadbirda Toshkent shahar hokimi, Toshkent shahar prokurori, Toshkent shahar IIBB boshlig‘i, Toshkent shahar soliq boshqarmasi boshlig‘i, tuman hokimi, mas’ul mutasaddilar, qator tashkilotlar rahbarlari hamda xodimlari ishtirok etdi. Aksiya davomida hudud bo‘ylab 2 mingdan ortiq manzarali va soyabop daraxt ko‘chatlari, jumladan, beriyoza, oq qayin, qrim qarag‘ayi hamda lola daraxtlari ekildi. Mazkur ishlar tumandagi ekologik muhitni yaxshilash, yashil hududlar ko‘lamini kengaytirish va obodonlashtirish ishlarini jadallashtirishga xizmat qilmoqda. Shuningdek, tadbir doirasida “Navro‘z” sayli ham tashkil etilib, unda milliy qadriyatlarimiz, urf-odat va an’analarimizni aks ettiruvchi ko‘rgazmalar, xalqona chiqishlar hamda bayram dasturlari namoyish etildi. Milliy taomlar, bahoriy bezaklar va folklor chiqishlari esa saylga yanada fayz bag‘ishladi.