Amazina y'Interahamwe ruharwa zo mu Mujyi wa Kigali

AMAZINA Y’INTERAHAMWE Z’AMAZE ABATUTSI MU MUJYI WA KIGALI Umujyi wa Kigali nk’umurwa mukuru w’u Rwanda kuva rwabona ubwigenge mu mwaka wa 1962.ni kamwe mu duce two mu Rwanda twagaragayemo ibikorwa by’itegurwa n’ishyirwamubikorwa rya Jenoside kurusha ahandi.aha muri iki Kigali ibi byaterwaga n’impamvu nyinshi uretse kuba ariho hari ikicaro cy’ubutegetsi ndetse n’ibikorwa by’ubucuruzi ntagereranywa hari hanatuye abaturage benshi ugereranije n’ahandi mu Rwanda .kenshi rero kuva mu mwaka wa 1990 kugeza mu 1994 mu mujyi wa Kigali hagaragaye ibikorwa byinshi byangiza umutekano byibasiraga abatutsi bibatera ubwoba ko bazicwa ;byinshi muri ibi bikorwa byakorwaga n’interahamwe n’impuzamugambi. Byatangiye bikorwa mu bisa n’imyitozo mu bihe by’igeragezwa rya Jenoside ariko mu mwka wa 1994 mu gihe cya Jenoside yakorewe abatutsi noneho Interahamwe zabikoranye ubugome bwinshi mu gutsemba abatutsi. Aha rero muri Kigali hari interahamwe nyinshi zamenyekanye niyo mpamvu mu kiganiro cyuyu munsi tugiye kugaruka kuri amwe mu mazina y’interahamwe yagaragaye cyane mu bikorwa byo kubuza amahoro abatutsi mu Mujyi wa Kigali zikaba ari nazo zagaragaye mu bikorwa byo gutsemba abatutsi muri Jenoside.iki ni ikiganiro IBYAHISHWE.Uwakiguteguriye ni BIZIMANA Chrisitian naho jye ugiye kukikugezaho ndi Prudence NSENGUMUKIZA.Mbahaye Ikaze. Kugirango ubashe kumva neza ibijyanye interahamwe zamaze abatutsi mu mujyi wa Kigali nkuko ingingo yacu muri iki kiganiro ibivuga bigusaba kureba neza witonze uko ubuyobozi bw’Interahamwe mu mujyi wa Kigali bwari buteye ndetse nuburyo zakoraga bituma uhita umenya neza uko ibikorwa byazo byabaga biteye nuko byakorwa. Umujyi wa Kigali icyo gihe wari Perefegitura y’umujyi wa Kigali aho kuva mu 1990 yayoborwaga na Colonel RENZAHO Tharcisse. Ubuyobozi bw’interahamwe mu mujyi wa Kigali bwari bwubatse neza aho Perezida w’interahamwe mu mujyi wa Kigali yari TURATSINZE Aboubacar.uyu TURATSINZE Aboubacar yanamenyekanye ku izina rya Jean Pierre. Yari yungirijwe na Visi Perezida wa mbere witwa TWAHIRWA Seraphin akaba yarakoraga muri Minisiteri y’Imirimo ya Leta n’ingufu (MINITRAPE). Uwari Visi perezida wa Kabiri yari NGIRABATWARE Aloys wakoraga mu isosiyete ya Leta ya SONARWA. Uwari Umunyamabanga yari UWIZEYE Epimaque wakoraga mu ishami ry’umuryango wabibumbye ryita Kubuhinzi PNUD. Uwari Umubitsi w’interahamwe yitwaga MUHOZI.Uyu kandi byavugwagako yari mubyara waPerezida HABYARIMANA.ikindi ni uko MUHOZI yari umuyobozi w’akabari kitwaga Tam Tam kabaga I Nyamirambo. Mu makuru yatanzwe na Bemeriki Valerie wari umunyamakuru wa RTLM yagaragajeko TURATSINZE Aboubacar yari inshuti ikomeye ya Matayo NGIRUMPATSE ngo akaba yari yaramuhaye imodoka ya Suzuki Samorai yagendagamo akora akazi ke k’ubukangurambaga bwo kwigisha Ingengabitekerezo ya Jenoside.kandi Lisansi yiyi modoka ya Aboubacar yatangwaga n’Ubunyamabanga bukuru bwa MRND. Ikindi Valerie BEMERIKI yavuze kuri ABOUBACAR ngo nuko NGIRUMPATSE yari yarafashije TURATSINZE kubona inguzanyo muri BCR.ni igikorwa cyakozwe na NKEZABERA Epherem na MVUYEKURE Claver bombi bari abakozi bakuru ba BCR bakomokaga muri Perefegitura ya Gisenyi. Kandi TURATSINZE Aboubacar afatanije n’Uwitwaga Paulin murumuna wa NGIRABATWARE Aloys na SEBATWARE wari umukuru w’interahamwe zarindaga abayobozi bakuru ba MRND ni bamwe mu bari bashinzwe ikwirakwiza ry’Intwaro mu gihugu zohererezwa abakuru b’interahamwe mu zindi Perefegitura. #IntsinziTV #Interahamwe #KajugaRobert