洪嘉豪指新歌《黑玻璃》係進化版《半天空檔》：今次成熟啲大個啲！｜首次紅館開騷秘密練兵歌藝大躍進變自信仔｜跟Do姐做拍檔好玩有得着｜張敬軒「叱咤」再奪我最喜愛男歌手 點解 「院長」台下舉高手拍掌？｜專訪

⭐️處男紅館騷將有大突破？ ⭐️潛心修練唱歌實力全面提升？ ⭐️同「Do姐」點樣擦出無限火花？ 終於輪到洪嘉豪！ 今個周末（2024年4月13日至14日），Kaho aka「院長」將會踏足本地樂壇至高聖地紅館，舉行他的個人演唱會《KAHO Live 2024》。迎接人生第一次在紅館開騷，騷名當然愈霸氣愈happy，但Kaho卻反樸歸真以自己名字為題，「院長」坦言有特別意思：「一直都好多人話洪嘉豪呢個人，個樣又普通，唱歌又普通，個名又普通，即係呢啲咁嘅名周街十幾個，但係我好想同大家講，你出身同出生好平凡嘅話，都唔係限制咗你將來或者你自己想做嘅嘢。」 2018年出道至今，轉眼六年，從灣仔的1563 at the East，到旺角麥花臣場館，到九展Star Hall，到西九竹翠公園，一步一步，終於走上紅館舞台，就算並非當事人，也會知道此刻心情難免既緊張又興奮。對演出有信心嗎？Kaho笑言公司同事以及身邊所有人對他的信心都比自己更多，但他並非沒有察覺到自己各方面一直持續進步：「好坦白講，知道多咗人認識自己，都有好多人支持自己，都會令到我信心大啲，上台時歡呼聲大啲，嗰一日都可能自如啲！」 回望一年半前（2022年11月）在西九的個人演唱會《The Cycle Of… Kaho Hung Live 2022》，當時可以用「勁夢幻超繽紛」來形容：玩波波、玩飄雪、玩結他，連日文歌都唱埋，今次「登陸」紅館若要突破確實有難度，「院長」都這樣認為，所以講到明就算沒有大突破，都會有小突破：「希望自己做到，未知自己做唔做到住，都係勇氣嘅表現，如果做得好的話，大家應該會喜歡！公司都有話唔係個個演唱會都要跳火圈，但都想聲音、畫面會令大家得精彩。」 的確，Kaho於過去一段時間在唱歌方面下了不少苦功，如果有留意他的新歌，譬如《只要你不尷尬》或者《黑玻璃》等，都會發現他的歌藝進步不少：「之前可能用錯咗方法，或者係可以夾硬唱到，但係未必唱得啱，今次就終於tune番啱啲可能以前錯但唔敢面對嘅嘢。」 除了紅館演唱會，晉身成為歌影視三棲藝人不久的Kaho亦有分享箇中體會，想知道他與「Do姐」鄭裕玲和「軒公」合作後有甚麼得着？又想聽Kaho講更多有關新歌《只要你不尷尬》和《黑玻璃》背後故事？今次30分鐘專訪時間，「院長」會跟大家慢慢分享。 拍攝、剪接：游大東 洪嘉豪化妝：Circle Chong 洪嘉豪髮型：Haysses Ip @ HAiR 洪嘉豪服裝：I.T （13042024） #游大東 #游大東影視筆記 #游大東專訪 #洪嘉豪 #紅館 #洪嘉豪演唱會 #紅館演唱會 #廣東歌 #鄭裕玲 #張敬軒 #黃偉文 #陳詠謙 #黑玻璃 #只要你不尷尬 #叱咤 ‪@HungKaho‬ ‪@warnermusichk‬