La Kujifunza Kwenye HUNITAKI, Barnaba Feat Mbosso Hunitaki, Uongozaji Wa Filamu

Najua hili ni jambo ambalo music directors wengi hawataki kuliongelea na wala hawalipi kipaombele kwenye kazi zao, lakini oyaa! Storytelling ni device muhimu sana ya kuwafanya watu waweze kuirudia na kuifurahi kazi yako ya kifilamu mara kwa mara. Yaani inakuwa haichoshi kwa sababu kuna mambo yanakuwa yanaendelea mbali ya mtu kuimba na kukaa kwenye set kali. Nyimbo nyingi za mapenzi zinakuwa na hadithi au visa vinavyoweza kutengenezewa stori, hivyo video director anakuwa na hiyo silaha katika Arsenal yake ni vile tu wengi hawajui wanayo au hawataki kufikiria kuitumia. Mwisho wa siku wanaishia kuwekeza nguvu kubwa kwenye set design kali na utundu mwingi wa kushoot na kuedit pekee. Mambo vipi? Mimi ni Tom Johns, karibu katika Sinema Somo. Katika video hii tunaenda kujifunza baadhi ya mbinu tunazoweza kuzitumia kufanya storytelling ya video za muziki kwa kupitia video ya Barnaba Classic akiwa ameshirikisha Mbosso, wimbo unaitwa Hunitaki.