განუმეორებელი მედეა ძიძიგური (ფრაგმენტები მეგობრული შეხვედრებიდან ბარბარობა - 1996-1997 წლები; )

რაც ძალიან გვეძვირფასება - არ იკარგება უკვალოდ! განუმეორებელი - მედეა ძიძიგური ფრაგმენტები მეგობრული შეხვედრებიდან ბარბარობა - 1996-1997 წლები; კატეგორია - „ოქროს ფონდი“. ქვეყნდება პირველად! ვიდეო-რედაქტორი - ვეფხია სამსონიძე. „მემკვიდრეობა ტვ“, 9 აპრილი, 2020 წელი. ------------------------------------------------------------------------ მედეა ძიძიგური - საესტრადო მომღერალი. ქალაქური, ქართული, რუსული, ბოშური რომანსების უბადლო შემსრულებელი, საქართველოს დამსახურებული არტისტი - 1974 წელი; საქართველოს სახალხო არტისტი - 1988 წელი; დაიბადა თბილისში, 1942 წლის 24 თებერვალს, გარდაიცვალა 1999 წელს, (56 წლის ასაკში), დაკრძალულია დიდუბის მწერალთა და საზოგადო მოღვაწეთა პანთეონში, დაამთავრა თბილისის უცხო ენათა პედაგოგიური ინსტიტუტი 1964 წელს (ფრანგული). 1963 წლიდან იყო საქართველოს ფილარმონიის სოლისტი; სტუდენტობისას მღეროდა ინსტიტუტის საესტრადო ორკესტრში; ჯერ კიდევ ნორჩ ასაკში იმ დროის რუსული ესტრადის ვარსკვლავის, ლ. უტიოსოვის ყურადღება მიიპყრო, მან თავის საესტრადო კონცერტში მონაწილეობისათვის მიიწვია; დებიუტანტმა წარმატებით იმღერა სამი ნომერი, მათ შორის რ. ლაღიძის „თბილისო"; 1969 წლიდან ყოველწლიურად ატარებდა კონცერტებს განახლებული პროგრამით; 1979-1985წწ. იყო საქართველოს ტელერადიოკომიტეტის მუსიკალური რედაქტორი, ხოლო 1994 წლიდან სიცოცხლის ბოლომდე მუშაობდა საქართველოს ხელოვნების მუშაკთა სახლის დირექტორად, სამხატვრო ხელმძღვანელად; იყო მსოფლიო ფესტივალების მრავალგზის ლაურეატი, სამგზის ოქროს მედლის მფლობელი; ჰქონდა მეტად კოლორიტული ხმა, შესრულების ორიგინალური მანერა; განსაკუთრებით კარგად ასრულებდა ქალაქურ სიმღერებს, ასევე ქართულ, რუსულ და ბოშურ რომანსებს; ქართული რეპერტუარი: „სვეტიცხოველი“ (ხალხური, ჯ. ჩარკვიანი), „მიმღერე რამე“ (გ. ცაბაძე, პ. გრუზინსკი), „წმინდაო მარიამ“ (გ. ჩლაიძე, პ. გრუზინსკი), „მეზურნე" (ა. ყარაშვილი, ა. წერეთელი), „რომანსიადა" (გ. ჩუბინიშვილი), „ჟუჟუნა წვიმა" (ვ. დურგლიშვილი, ა. კალანდაძე), „მე შენთან მოვალ" (ეთ. ჭელიძე, დ. გვიშიანი), „ადამიანი", „მადლობელი ვარ", „უშენოდ" (ი. გურგულია), „რომანსი" (დ. თორაძე, პ. გრუზინსკი); სხვა რეპერტუარი: რუსული, ბოშური რომანსები; გასტროლები: პოლონეთი, ჩეხოსლოვაკია, ფინეთი, იუგოსლავია, იტალია, საფრანგეთი, ესპანეთი, საბერძნეთი; გადაღებულია დოკუმენტური ფილმი „მღერის მედეა ძიძიგური“; სცენარის ავტორი, დამდგმელი რეჟისორი - ზაალ კაკაბაძე, დამდგმელი ოპერატორები - პავლე შნაიდერი, გივი მელქაძე, დამდგმელი მხატვარი - ელენე ფაილოძე, ხმის რეჟისორი/ოპერატორი - ლევან ქიშმიშევი, მემონტაჟე - ციური ფაილოძე, პროდიუსერი - თენგიზ კეკელაშვილი