Post Human - Lecture by T.T. Sreekumar - Sunday Sapiens - മനുഷ്യാനന്തരം - ടി ടി ശ്രീകുമാർ

മാനവികതയും മാറുന്ന ലോകവും:ചില പോസ്റ്റ്‌ഹ്യുമന്‍ നൈതിക ചിന്തകള്‍ ഡോ. ടി ടി ശ്രീകുമാര്‍ മനുഷ്യന്‍, മാനവികത തുടങ്ങിയ പരികല്പ്പനകളിലൂടെ നാം മനസ്സിലാക്കിയ ഒരു നൈതികലോകം നമുക്ക് മുന്നില്‍ മാഞ്ഞുപോവുകയാണ്. യുദ്ധം, ഡിജിറ്റല്‍ സാങ്കേതിക വിദ്യ, ജെനിട്ടിക് എഞ്ചിനീയറിംഗ്, മേല്നിരീക്ഷണ സംവിധാനങ്ങള്‍, ഭരണകൂടങ്ങളുടെ മൃത്യുരാഷ്ട്രീയം തുടങ്ങിയവയുടെ യുക്തികള്‍ നമ്മെയും നമ്മുടെ ജീവിത ദര്ശനങ്ങളെയും ഗ്രസിക്കാന്‍ തുടങ്ങുന്നു. ഇത് ലോകത്തെ പുതിയൊരു വഴിത്തിരിവിലേക്ക് എത്തിക്കുകയാണ്. ചരിത്രസംക്രമണത്തിന്റെ ഈ മാനങ്ങളെ എങ്ങനെയാണ് മനസ്സിലാക്കുക, വ്യാഖ്യാനിക്കുക എന്നത് നമ്മുടെ മുന്നില്‍ ഉയര്ന്നു വരുന്ന ഒരു പ്രധാന ചോദ്യമാണ്. ഈ ചോദ്യം സജീവമായി ഉന്നയിച്ചുകൊണ്ട് നവ ജീവിതാവസ്ഥകള്‍ പരിശോധിക്കാന്‍ മുതിരുകയാണ് ഈ പ്രഭാഷണത്തില്‍