Reuniaun Konsellu Estadu, "Koalia Situasaun Rai Laran"

DILI, 15 Maiu 2026 Primeiru-Ministru (PM), Kay Rala Xanana Gusmão partisipa iha reuniaun Konsellu Estadu ne’ebé hala’o iha palásiu Prezidensiál Nicolau Lobato, Bairru-Pité, Dili, Sesta (15/05/2026). Reuniaun ne’e prezidente hosi Prezidente Repúblika (PR), José Ramos-Horta no partisipa hosi membru Konsellu Estadu sira hanesan eis Xefe Estadu, reprezentante igreja, sosiedade sivil no seluk-tán. “Reuniaun konsellu Estadu ne’e hanesan reuniaun esensiál signifika katak reuniaun konsellu Estadu ne’e la’ós tuir buat ne’ebé estabelese iha artigu Konstituisaun RDTL ninian maibé Prezidente Repúblika intende katak importante tebes bolu membru hothotu Konsellu Estadu nian hodi ko’alia kona-bá situasaun rai laran nian”, Asesor Prezidensia Repúblika no Porta Voz Konsellu Estadu João Aparício hateten hafoin reuniaun Konsellu Estadu.