(世界盃狂歡月之夜消磨324)深圳地鐵13號綫: 中車青島四方A型電動列車 (13111/13118) 留仙洞至深圳灣口岸

Shenzhen Metro Line No.13 Train 13111/13118 Liuxiandong to Shenzhen Bay Checkpoint 拍攝日期 Recording date: 7/5/2026 首先恭賀深圳地鐵13號綫二期北段於昨日開幕! 小組賽結果已定, 尼個時候就要評論一下部份重點賽事了。32強賽事中, 首場要分析既就巴西對日本了。巴西系今屆賽事當中算系表現得慢熱, 首輪對陣摩洛哥系表現麻麻, 幸好之後兩場重拾水準, 面對較弱既海地同蘇格蘭技術性擊倒對手, 以較佳得失球差壓過摩洛哥以首名出線。日本今屆多位主力受傷下, 表現系明顯受影響, 表現無復上屆連續打敗德國及西班牙等強隊既水準, 只能系對陣受內訌影響既突尼西亞既賽事中大勝, 首場對荷蘭賽平還說得去, 但面對有前冇後既瑞典都無法勝出就系明顯失準。本來尼兩隊相遇會系勢均力敵, 但以兩隊近況而言, 日本系俾傷患打敗, 儘管防守能力系有但攻力系有限, 預計巴西系漸進佳境下小勝日本 荷蘭系32強賽既對手系同巴西同組既摩洛哥。老實講, 摩洛哥既表現系不如上屆。上屆佢地系憑防守紀律同陣中鋒線球星去闖關, 但今年尼兩樣野都系蕩然無存, 連海地都入到兩球, 足以證明佢地同上屆系兩回事, 只系海地同蘇格蘭實力不濟先能令問題不致無限放大。但系咪代表荷蘭今場會系易食呢? 其實並不然。荷蘭今屆攻守執行能力都系有問題, 冇錯佢地鋒線對陣弱旅系可以入波, 加埋瑞典同佢地對陣系嚴重失準, 但佢地一對實力較強既對手時就會現形。偏偏摩洛哥絕對善類, 即使表現不如上屆, 都有能力系90分鐘內打和進入加時階段。個人認為尼場系最有可能要射12碼決勝負既, 去到尼d位球員既主射經驗會系稱先, 系尼方面荷蘭系較優勝既一方… 最後一隊要講既德國了, 老實講系小組排名已定下, 最後一場小組賽落敗都系意料之中, 而且都明顯感覺到佢地既戰意不如前兩場, 當場波系友賽甘打。從結果論甘樣送分俾厄瓜多爾, 間接將南韓踢出局都算系間接報咗2018年被南韓踢出局既仇。不過既然系當友賽打, 點解仲要派哂大部份主力上陣呢? 結果多位值得上陣既球員甘就冇咗個可以操狀態既實戰機會, 系體力分配上拿高斯文系不如做出大輪換對陣法國既挪威。不過既然能入淘汰賽, 即系有多場機會去分析佢地系今屆世界盃既路。現時德國仲系重建階段, 未去返以前大殺四方既表現, 今屆賽事中每場都有失球系需要重視既問題, 但系鬥志方面系比上兩屆有所改善, 起碼落後下系有力反超, 尼點倒要俾credit俾教練。睇返今場對手巴拉圭, 佢地主打低位防守但實力系相當有限, 對陣美國果場明顯睇出佢地既不足, 對土耳其果場贏得相當有運, 同南美強隊一詞系完全佔不上邊, 算系新制下被保送入次圈的。相比起巴西及荷蘭, 德國尼場系最輕鬆既, 估計會技術性擊倒對手 Request form of Sunday Matinees: https://docs.google.com/forms/d/e/1FA... 如需使用本片作任何用途, 請先得本人同意及批准, 違者必究